Թրամփը Թաիլանդի հետ համաձայնություն է ձեռք բերել ԱՄՆ-ից ներմուծվող ապրանքների նկատմամբ մաքսատուրքերի վերացման մասին

2 րոպեի ընթերցում

ԱՄՆ նախագահ Դոնալդ Թրամփը հայտարարել է Թաիլանդի հետ համաձայնության ձեռքբերման մասին, ըստ որի Թաիլանդը կվերացնի ԱՄՆ-ից ներմուծվող ապրանքների նկատմամբ բոլոր մաքսատուրքերը։ «Արմենպրես»-ի փոխանցմամբ՝ այս մասին հաղորդում է BBC-ն։

Ֆիլիպիններում Թաիլանդի վարչապետ Անուտին Չարնվիրակուլի հետ համատեղ ելույթի ժամանակ Թրամփը համաձայնագիրը որակել է որպես «պատմական առևտրային գործարք»՝ լրագրողներին հայտնելով, որ այն «հիմք կստեղծի շատ ավելի ամուր առևտրային հարաբերությունների համար» և երկու երկրներին «կմերձեցնի ավելի, քան երբևէ»։

Թրամփի խոսքով՝ համաձայնագրով Թաիլանդը կվերացնի ԱՄՆ-ից ներմուծվող ապրանքների նկատմամբ գործող մաքսատուրքերը, ինչպես նաև «էական ոչ սակագնային խոչընդոտները», օրինակ՝ ամերիկյան ավտոմեքենաների, բժշկական սարքավորումների, դեղագործական արտադրանքի և էթանոլի հետ կապված գործող օրենքները և կարգավորումները, որոնք սահմանափակում են առևտուրը։  

ԱՄՆ նախագահը հավելել է, որ ակնկալում է «առաջիկա շաբաթների ընթացքում վերջնական տեսքի բերել պաշտոնական համաձայնագրի մանրամասները»։

Թաիլանդի վարչապետն իր հերթին նշել է, որ համաձայնագիրը պետք է «նոր հնարավորություններ բացի»։ Նա ընդգծել է, որ «դեռևս որոշ աշխատանք կա անելու», սակայն վստահություն է հայտնել, որ համաձայնագիրը շուտով պատրաստ կլինի ստորագրման։

Հայերեն

Թրամփը Թաիլանդի հետ համաձայնություն է ձեռք բերել ԱՄՆ-ից ներմուծվող ապրանքների նկատմամբ մաքսատուրքերի վերացման մասին

Սոնա Ղազարյանը հորդորել է երեխայի ծննդյան նպաստից գումար հատկացնել քարսիթի ձեռքբերմանը

Քաղաքաշինության կոմիտեում քննարկվել են բենզալցակայանների գործունեությունը կարգավորող իրավական դաշտի վերանայման հարցեր

Պատգամավորի կարծիքով՝ միայն տուգանքների բարձրացմամբ խցանումների խնդիրը չի լուծվի

Էջմիածին-Երևան երթուղու միկրոավտոբուսների՝ մայրաքաղաքի կենտրոնում կայանման արգելքը չի վերանայվի

Գևորգ Ղազարյանը հեռացել է «Արարատ-Արմենիա»-ի մարզչական շտաբից

ՀՀ ԿԲ. թանկարժեք մետաղների գներ և փոխարժեքներ -17/11/26

Ասիական ինդեքսները նվազել են - 17/11/26

Թրամփը Թեհրանի կողմից Վաշինգտոնում «կեղտոտ ռումբի» հնարավոր օգտագործման դեպքում սպառնացել է ծանր հարված հասցնել Իրանին

Ինքնագլորների նոր կանոններ և երեխաների փոխադրման տուգանքի խստացում․ ԱԺ-ում նախագիծ է քննարկվում