360.43
ԱՊՀ պետությունների արդարադատության նախարարների խորհրդի երևանյան նիստում ստորագրվել են մի շարք փաստաթղթեր
1 րոպեի ընթերցում
ԱՊՀ մասնակից պետությունների արդարադատության նախարարները խորհրդի երևանյան նիստում ստորագրել են համագործակցության վերաբերյալ մի շարք փաստաթղթեր, և կողմերն առաջիկայում աշխատելու են քաղաքացիական կացության ակտերի գրանցման մարմինների համատեղ աշխատանքի բարելավման և թվայնացման ուղղությամբ։
«Արմենպրես»-ի հաղորդմամբ՝ այդ մասին ԱՊՀ մասնակից պետությունների արդարադատության նախարարների խորհրդի 20-րդ հոբելյանական նիստին հաջորդած ճեպազրույցում նշեց ՀՀ արդարադատության նախարար Սրբուհի Գալյանը։
«Նիստի ընթացքում քննարկվեց մինչ այդ մեր կողմից իրականացված աշխատանքը և նախանշվեցին համատեղ աշխատանքի հետագա ուղղությունները։ Մի շարք այլ ուղղություններում ևս համագործակցություն է ակնկալվում։ Իրավական փոխօգնության և անհրաժեշտ փաստաթղթերի հարցման հետ կապված հարաբերությունները նույնպես պետք է աշխատենք լուծել թվային տիրույթում։ 2027 թվականի աշխատանքը բավականին մեծ է լինելու։ Մենք նախանշել ենք բոլոր հնարավոր ուղղությունները՝ սկսած փորձի փոխանակումից, վերջացրած միասնական բազաների ստեղծմամբ»,- նշեց Գալյանը։
Բաժանորդագրվեք մեր ալիքին Telegram-ում