360.43
ՄԻՊ ներկայացուցիչները Երևանի թիվ 130 դպրոցում քննարկել են երեխաների իրավունքներին առնչվող հարցեր
1 րոպեի ընթերցում
Հայաստանի մարդու իրավունքների պաշտպանի աշխատակազմի Կոնվենցիոն մանդատների ապահովման վարչության ներկայացուցիչներն իրազեկման այց են իրականացրել «Երևանի Նաիրի Զարյանի թիվ 130 հիմնական դպրոց» ՊՈԱԿ։ «Արմենպրես»-ի փոխանցմամբ՝ այս մասին հայտնում են ՄԻՊ գրասենյակից՝ ընդգծելով, որ այցի շրջանակում դպրոցի սաներին և անձնակազմի ներկայացուցիչներին ներկայացվել են Մարդու իրավունքների պաշտպանի լիազորություններն ու գործունեության հիմնական ուղղությունները, ինչպես նաև Պաշտպանին դիմելու հնարավոր եղանակները։
Հանդիպման ընթացքում քննարկվել են երեխաների անձնական տվյալների պաշտպանության, թվային միջավայրում երեխաների անվտանգության, երեխայի նկատմամբ բռնության, այդ թվում՝ բուլինգի և կիբերբուլինգի, կանխարգելման և արձագանքման, կրթության իրավունքի ապահովման, հաշմանդամություն ունեցող անձանց իրավունքների, ինչպես նաև անչափահասների քրեական պատասխանատվության վերաբերյալ հարցեր։
Քննարկվել են նաև տարբեր իրավիճակներում երեխայի լավագույն շահի պահանջի ապահովման վերաբերյալ հարցեր։
Հանդիպումն անցկացվել է հարց ու պատասխանի ձևաչափով։
Բաժանորդագրվեք մեր ալիքին Telegram-ում