Կառավարությունը 23 սուբվենցիոն ծրագրի ֆինանսավորման համար հատկացրել է շուրջ 1,15 մլրդ դրամ

2 րոպեի ընթերցում

Հայաստանի կառավարությունը հոկտեմբերի 8-ի նիստում հավանություն տվեց 13 համայնքի 23 սուբվենցիոն ծրագրի համաֆինանսավորման համար շուրջ 1,15 մլրդ դրամ հատկացնելու նախագծին։ Ինչպես տեղեկացնում է «Արմենպրես»-ը, որոշման նախագիծը ներկայացրեց Տարածքային կառավարման և ենթակառուցվածքների նախարար Դավիթ Խուդաթյանը։

«Նախագծով առաջարկվում է համաֆինանսավորել 13 համայնքների թվով 23 սուբվենցիոն ծրագիր»,- ասաց նախարարը։

Ֆինանսավորումը վերաբերում է Արարատի մարզի մեկ, Արմավիրի՝ ութ, Գեղարքունիքի՝ երկու, Լոռու՝ երեք, Կոտայքի և Սյունիքի՝ մեկական, Տավուշի՝ յոթ ծրագրի։ Խուդաթյանի խոսքով՝ այս հատկացմամբ 2026 թվականին պետական բյուջեից սուբվենցիոն ծրագրերի համաֆինանսավորման ընդհանուր գումարը կհասնի 13 մլրդ 165 մլն դրամի։

Վարչապետ Նիկոլ Փաշինյանը ներկայացրեց ֆինանսավորվող աշխատանքների մի շարք օրինակներ։ Դրանց թվում են Մեծամոր համայնքի Շենավան բնակավայրի մանկապարտեզի կառուցումը և հարակից տարածքի բարեկարգումը։

«Ավարտված են աշխատանքները։ Նախադպրոցական հաստատությունը նախատեսված է 80 սանի համար»,- նշեց վարչապետը։

Ծրագրերի շրջանակում իրականացվել են նաև Վաղարշապատ համայնքի Դաշտ բնակավայրի փողոցների գազաֆիկացումը, Արաքս համայնքի Ջրառատ բնակավայրում ճանապարհի ասֆալտապատումը, ջրամատակարարման և ոռոգման ենթակառուցվածքների կառուցման ու նորոգման աշխատանքները։

Ըստ նախագծի հիմնավորման՝ գումարը կուղղվի շինարարական կազմակերպությունների նկատմամբ ֆինանսական պարտավորությունների կատարմանը։

Հայերեն Français

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ

Ինչու են մայրամուտի և արևածագի ժամանակ ամպերը կարմիր կամ կարմրանարնջագույն երանգ ստանում․ մանրամասնում է Գագիկ Սուրենյանը

Հայաստանն ու Իրանը քննարկել են բարձր տեխնոլոգիաների ոլորտում համագործակցությունը զարգացնելու հեռանկարները

Հայաստանի ֆուտբոլի ֆեդերացիայի նախագահի պաշտոնի համար կպայքարեն Գևորգ Ղազարյանն ու Դենիս Ջորկաեֆը

Վարչապետն աշխատանքային նախաճաշ է ունեցել Digitec 2026-ին մասնակցող ՏՏ ոլորտի ընկերությունների ղեկավարների հետ

Ամասիա համայնքի Բյուրակն և Բերդաշեն բնակավայրերում նորակառույց կրթական հաստատություններն արդեն պատրաստ են շահագործման

Նիկոլ Փաշինյանը շնորհավորական ուղերձ է հղել Լիբանանի վարչապետին

Հայաստան–Մեծ Բրիտանիա համագործակցություն․ Ուիգմորը գործընկերության հուշագիր է ստորագրում Great Ormond Street Hospital-ի հետ

Վահան Կոստանյանը հանդիպել է Պաղեստինի արտաքին գործերի և սփյուռքի նախարարի հետ

Լևոն Աբրահամյանը՝ Հայաստանի նկարիչների միության նոր նախագահ