1 րոպեի ընթերցում
ԱՄՆ զինված ուժերը հոկտեմբերի 4-ին հայտնել են, որ Կարիբյան ծովում հարված են հասցրել արագընթաց նավակի, որը ենթադրաբար կապված է եղել թմրանյութերի մաքսանենգության հետ։ Հարվածի հետևանքով չորս մարդ է զոհվել։
Ինչպես հաղորդում է «Արմենպրես»-ը, ԱՄՆ զինված ուժերի Հարավային հրամանատարությունը X-ում արված գրառման մեջ նշել է, թե «հաստատված հետախուզական տվյալները վկայում են թմրանյութերի մաքսանենգության գործում նավի ակտիվ մասնակցության մասին»։
ԱՄՆ զինված ուժերը հարվածի հետևանքով զոհվածներին անվանել է «նարկոահաբեկիչներ»։
Reuters-ը գրում է, որ Կարիբյան ծովում և Խաղաղ օվկիանոսի արևելյան հատվածում ենթադրաբար թմրանյութերի մաքսանենգության հետ կապ ունեցող նավերի ուղղությամբ ԱՄՆ-ի իրականացրած հարվածների հետևանքով զոհվել է ավելի քան 220 մարդ։
Միացյալ Նահանգներում և այլ երկրներում փորձագետներն ու իրավապաշտպանները կասկածի տակ են դրել այդ հարվածների օրինականությունը։
Human Rights Watch-ը, Amnesty International-ը և ՄԱԿ-ի անկախ փորձագետները հայտարարել են, որ հարվածներն անօրինական արտադատական սպանություններ են։