Գլխավոր դատախազությունում քննարկվել է դատախազական աշխատանքի հայաստանյան և ամերիկյան փորձը

2 րոպեի ընթերցում

Գլխավոր դատախազ Աննա Վարդապետյանի նախաձեռնությամբ, սեպտեմբերի 29-ին ՀՀ գլխավոր դատախազության վարչական շենքում գործող Իրավաբանական լաբորատորիայում, տեղի է ունեցել մասնագիտական քննարկում՝ ԱՄՆ Կալիֆոռնիա նահանգի Գերագույն դատարանի դատավոր, Հայ իրավաբանական միության անդամ Արմենուհի Էմի Աշվանյանի մասնակցությամբ։

«Արմենպրես»-ի փոխանցմամբ՝ դատախազության հանրային կապերի բաժնից տեղեկացնում են, որ հանդիպմանը մասնակցել են նաև ՀՀ գլխավոր դատախազի տեղակալները, գլխավոր դատախազության վարչությունների պետերը, Երևան քաղաքի դատախազը, գլխավոր դատախազի խորհրդականներն ու օգնականները, ինչպես նաև Դատախազության աշխատակազմի Իրավաբանական բաժնի ներկայացուցիչները։

Մասնագիտական երկխոսության թեման «Մեղադրանքի արդյունավետ պաշտպանությունը դատարանում. ամերիկյան և հայաստանյան փորձ»-ն էր։

Գլխավոր դատախազ Աննա Վարդապետյանը ողջույնի խոսքում կարևորել է նման ձևաչափով մասնագիտական երկխոսությունների անցկացումը և ընդգծել տարբեր իրավական համակարգերի միջև մասնագիտական փորձի փոխանակման նշանակությունը՝ դատախազական գործունեության արդյունավետության բարձրացման համատեքստում։

ԱՄՆ Կալիֆոռնիա նահանգի Գերագույն դատարանի դատավոր Արմենուհի Էմի Աշվանյանը ներկայացրել է ԱՄՆ-ում, մասնավորապես՝ Կալիֆոռնիա նահանգում, մեղադրանքի պաշտպանության և դատական գործընթացում դատախազի դերի վերաբերյալ առկա մոտեցումները։

Քննարկման ընթացքում հարցուպատասխանի ձևաչափով անդրադարձ է կատարվել հայաստանյան և ամերիկյան իրավական համակարգերում դատախազների մասնագիտական աշխատանքի առանձնահատկություններին, դատարանում մեղադրանքի պաշտպանության մարտահրավերներին, դատավարական հմտություններին և մասնագիտական պատրաստվածության շարունակական զարգացման անհրաժեշտությանը։

Հիշեցնենք, որ 2023 թվականի հոկտեմբերի 25-ին ևս Արմենուհի Էմի Աշվանյանի մասնակցությամբ Երևանում տեղի էր ունեցել «Դատավարական էթիկա» խորագրով մասնագիտական երկխոսություն, որը կազմակերպել էր Գլխավոր դատախազությունը՝ Հայաստանի Հանրապետության դատախազության հիմնադրման 105-ամյակի միջոցառումների շրջանակում:

Հայերեն

Թրամփը Չինաստանի հետ իր հարաբերություններն անվանել է հիանալի և մեծ հաղթանակ երկու երկրների համար

Ֆրանսիայում թոշակառուները դուրս են եկել փողոց՝ բողոքելու ցածր թոշակների դեմ

Հայաստանը և ԵՄ-ն կարևորել են ընդհանուր ժողովրդավարական արժեքների վրա հիմնված գործընկերության շարունակական ամրապնդումը

Թբիլիսիում տեղի ունեցած պայթյունի հետևանքով զոհերի թիվը հասել է երեքի

ԵՄ-ն ռուսաստանցիների համար չեղարկել է Եվրոպայում ուսանելու «Էրազմուս» կրթաթոշակը

Սաուդյան Արաբիան հաստատում է, որ հութիների հարձակման հետևանքով վնասվել է Էր-Ռիադի ամենաբարձր շենքը

Պորտուգալիայում տներ և փողոցներ են հեղեղվել հորդառատ անձրևների ու սողանքների պատճառով

Ռոբերտ Աբիսողոմոնյանը միջազգային համաժողովում կարևորել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար

ՄԱԿ-ի Արդարադատության միջազգային դատարանը Մյանմարին մեղավոր է ճանաչել ռոհինջաների ցեղասպանության մեջ

Նազելի լիճը լուսավորվել է կապույտ գույնով՝ խորհրդանշելով մաքուր, անվտանգ և առողջ միջավայրում մեծանալու երեխաների իրավունքը