Միացյալ Նահանգներ

Կոպենհագենն ու Նուուկն ինքնիշխանության երաշխիքների դիմաց ԱՄՆ-ին հասանելիություն են տրամադրել դեպի Գրենլանդիա

2 րոպեի ընթերցում

Կոպենհագենն ու Նուուկն ինքնիշխանության երաշխիքների դիմաց ԱՄՆ-ին հասանելիություն են տրամադրել դեպի Գրենլանդիա

Դանիայի խորհրդարանը միաձայն հավանություն է տվել Դանիայի, Գրենլանդիայի և Միացյալ Նահանգների միջև անվտանգության և պաշտպանության վերաբերյալ նոր համաձայնագրին։ Այդ մասին տեղեկացնում է «Արմենպրես»-ը՝ վկայակոչելով Euronews-ը։

Փաստաթուղթը, որը կոչված է լուծելու կղզու նկատմամբ Դոնալդ Թրամփի հավակնություններով պայմանավորված դիվանագիտական ​​ճգնաժամը, թույլ է տալիս ԱՄՆ զինված ուժերին ընդլայնել իրենց ներկայությունն Արկտիկայում և հիմք է նախապատրաստում «Ոսկե գմբեթ» հակահրթիռային պաշտպանության առաջադեմ համակարգի տեղակայման համար։

Դանիայի 179 տեղ ունեցող խորհրդարանում նախագիծն ընդունվել է երկրորդ ընթերցմամբ, առանց քննարկումների։ Նիստին ներկա բոլոր 109 պատգամավորները հավանություն են տվել փաստաթղթին։։

Ավելի վաղ՝ նոյեմբերի 3-ին, համաձայնագիրը վավերացվել էր Գրենլանդիայի խորհրդարանի կողմից (16 կողմ, 7 ձեռնպահ, 0 դեմ)։ Դանիայի կողմից հաստատվելուց հետո համաձայնագիրն ուժի մեջ է մտնում և չի պահանջում վավերացում ԱՄՆ Սենատի կողմից։

Սեպտեմբերի 22-ին Նյու Յորքում ԱՄՆ նախագահ Դոնալդ Թրամփի, Դանիայի վարչապետ Մետե Ֆրեդերիկսենի և Գրենլանդիայի կառավարության ղեկավար Ենս Ֆրեդերիկ Նիլսենի կողմից ստորագրված փաստաթուղթը թարմացնում է 1951 թվականի պաշտպանական հիմնարար համաձայնագիրը։

Կարդացեք հոդվածը` Русский
AREMNPRESS

Հայաստան, Երևան, 0001, Աբովյան 9

+374 10 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2026 ARMENPRESS

Ստեղծվել է՝ MATEMAT-ում