Արաղչին թուրք և պակիստանցի պաշտոնյաների հետ քննարկել է տարածաշրջանային զարգացումները

Իրանի արտաքին գործերի նախարար Աբբաս Արաղչին առանձին հեռախոսազրույցներ է ունեցել թուրք գործընկերոջ՝ Հաքան Ֆիդանի և Պակիստանի բանակի գլխավոր ֆելդմարշալ Ասիմ Մունիրի հետ՝ քննարկելու տարածաշրջանային զարգացումները։ «Արմենպրես»-ի փոխանցմամբ՝ այս մասին հայտնում է IRNA գործակալությունը։

Ֆիդանի հետ հեռախոսազրույցը տեղի է ունեցել Արաղչիի՝ Պեկինում գտնվելու ընթացքում, որի ժամանակ կողմերը մտքեր են փոխանակել երկու երկրների միջև տարածաշրջանային վերջին զարգացումների և փոխադարձ հետաքրքրություն ներկայացնող հարցերի շուրջ։

Բացի այդ, Արաղչին տարածաշրջանային վերջին զարգացումներին առնչվող և փոխադարձ հետաքրքրություն ներկայացնող հարցեր է քննարկել նաև Մունիրի հետ ունեցած հեռախոսազրույցում։

Հեռախոսազրույցների վերաբերյալ այլ մանրամասներ չեն հրապարակվել։