1 րոպեի ընթերցում
Գեղարքունիքի մարզի Մարտունի քաղաքի թիվ 2 հիմնական դպրոցի շենքի վերանորոգման աշխատանքների մեկնարկը տրվել է 2026 թվականի հուլիսից՝ պետական բյուջեի միջոցներով և «Հայաստանի տարածքային զարգացման հիմնադրամի» պատվիրատվությամբ, ՀՀ կառավարության կողմից իրականացվող «300 դպրոց, 500 մանկապարտեզ» ծրագրի շրջանակներում։
Ինչպես «Արմենպրես»-ին տեղեկացրին Գեղարքունիքի մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչությունից, Մարտունու Ս․ Դարբինյանի անվան թիվ 2 հիմնական դպրոցի վերանորոգման ծրագրի պայմանագրային արժեքը կազմում է 440 միլիոն դրամ։ Ծրագրով նախատեսված է տանիքի, հատակի, սանհանգույցների, էներգամատակարարման, ջեռուցման, ջրամատակարարման համակարգերի վերանորոգում, նոր դռների տեղադրում, բացօթյա մարզահրապարակի կառուցում, այլ աշխատանքներ։ 2026 թվականի սեպտեմբերի 3-ի դրությամբ իրականացվել է ընդհանուր աշխատանքների շուրջ 30-40 տոկոսը։
Շինարարական աշխատանքները նախատեսվում է ավարտի հասցնել 2026 թվականի դեկտեմբերին։