361.14
Հնաբերդում կասեցվել է գազավորված ըմպելիքների արտադրամասի գործունեությունը
1 րոպեի ընթերցում
Սննդամթերքի անվտանգության տեսչական մարմինը կասեցրել է Արարատի մարզի Հնաբերդ գյուղում գործող գազավորված ըմպելիքների արտադրամասի գործունեությունը՝ հայտնաբերված խախտումների պատճառով։
Ինչպես «Արմենպրես»-ը տեղեկանում է ՀՀ սննդամթերքի անվտանգության տեսչական մարմնից, անհատ ձեռնարկատեր Մայիս Եգորյանին պատկանող՝ Հնաբերդի Նարեկացու 11 հասցեում գործող արտադրամասում իրականացված ստուգման ընթացքում արձանագրվել են «Սննդամթերքի անվտանգության մասին» Մաքսային միության տեխնիկական կանոնակարգի պահանջների խախտումներ։
Մասնավորապես՝ արտադրական տարածքի հատակը հարթ չի եղել, չի պահպանվել նորոգ վիճակում և պատրաստված չի եղել անջրանցիկ ու հեշտ լվացվող նյութերից։ Պատերի մակերևույթների ծեփը թափված է եղել, սարքավորումներն ու գործիքները չեն պահպանվել նորոգ վիճակում, իսկ արտադրական տարածքը չի ունեցել անձնակազմի համար նախատեսված հանդերձարան։
Հայտնաբերված խախտումների հիմքով Սննդամթերքի անվտանգության տեսչական մարմնի ղեկավարի որոշմամբ կասեցվել է արտադրամասի արտադրական գործունեությունը՝ մինչև խախտումների վերացումը։
Բաժանորդագրվեք մեր ալիքին Telegram-ում