1 րոպեի ընթերցում
Ռուսաստանի նախագահ Վլադիմիր Պուտինը համոզված է, որ հենց Ռուսաստանը և Ուկրաինան պետք է որոշեն ռուս-ուկրաինական հակամարտության կարգավորման հարցը։ «Արմենպրես»-ի փոխանցմամբ՝ այս մասին նա ասել է Արևելյան տնտեսական համաժողովի լիագումար նիստում։
«Այնուամենայնիվ, վերջ ի վերջո և ամենից առաջ, այս խնդիրը պետք է լուծեն հակամարտության մեջ ներքաշված երկրները։ Դրանք Ռուսաստանն ու Ուկրաինան են։ Այս մոտեցումը ճիշտ է», - նրա խոսքերն է մեջբերում ՏԱՍՍ գործակալությունը:
Միևնույն ժամանակ նա հայտարարել է, որ Ռուսաստանի և Ուկրաինայի միջև շփումները շարունակվում են, ամենից առաջ՝ հատուկ ծառայությունների գծով։
«Թե որքանով են դրանք հանգեցնում հաշտության համաձայնության, այժմ ինձ համար դժվար է ասել՝ նկատի ունենալով այն հայտարարությունները, որոնք վերջերս լսել ենք Ուկրաինայի առաջին դեմքերի կողմից։ Բայց շփումներն իրոք կան, դրանք շարունակվում են ընթացիկ ռեժիմով, նաև ամենից առաջ՝ հատուկ ծառայությունների գծով», - ասել է Պուտինը: