1 րոպեի ընթերցում
Դանուբ գետի Սուլինա ջրանցքի մոտակայքում ավելի քան 70 նավ սպասում է ուկրաինական նավահանգիստներ մուտք գործելուն՝ արտահանման համար նախատեսված հացահատիկ բեռնելու նպատակով։ Այդ մասին տեղեկացնում է «Արմենպրես»-ը՝ վկայակոչելով Reuters-ը։
Նավավարների պակասը և այլ բեռներին տրվող առաջնահերթությունը հանգեցրել են երկարատև ուշացումների։
Երբ ռուսական հարձակումները փաստացի արգելափակեցին Ուկրաինայի սևծովյան նավահանգիստները, որոնց բաժին էր ընկնում երկրի հացահատիկի արտահանման 90%-ը, որոշ բեռնափոխադրումներ վերաուղղորդվեցին դեպի Դանուբ գետի նավահանգիստներ, որոնք շատ ավելի փոքր թողունակություն ունեն։
Իրավիճակն ավելի է բարդացնում օդային տագնապների հաճախակիությունը, որոնք դադարեցնում են նավահանգիստների ողջ աշխատանքը։
Ուկրաինան հացահատիկ արտահանող աշխարհի խոշորագույն երկրներից է, և արտահանման գործընթացում առաջացած խափանումները կարող են հանգեցնել համաշխարհային գների բարձրացման։