ՌԴ-ն և ԱՄՆ-ն շարունակում են ակտիվ աշխատանքը վարչակազմերի և հատուկ ծառայությունների գծով. Ռյաբկով
1 րոպեի ընթերցում
Մոսկվան և Վաշինգտոնը շարունակում են ակտիվ աշխատանքը երկու երկրների վարչակազմերի և հատուկ ծառայությունների գծով: «Արմենպրես»-ի փոխանցմամբ՝ այս մասին հայտարարել է ՌԴ արտաքին գործերի փոխնախարար Սերգեյ Ռյաբկովը։
«Կցանկանայի ևս մեկ անգամ ընդգծել, որ արտաքին քաղաքական գերատեսչությունների ղեկավարների մակարդակով շփումը ռուս-ամերիկյան ավելի լայն փոխգործակցության բաղադրիչներից մեկն է։ Ամերիկյան կողմի հետ ակտիվ աշխատանքը շարունակվում է համակարգված հիմունքներով՝ վարչակազմերի, ինչպես նաև հատուկ ծառայությունների գծով», - ասել է նա News.ru հարթակի հետ հարցազրույցում։
Ռյաբկովը նշել է, որ «սերտ կապերը պահպանվում են Վաշինգտոնում մեր դիվանագիտական ներկայացուցչության կողմից»։
«Իհարկե, մենք մշտապես պրագմատիկ լուծումներ և շփման կետեր ենք փնտրում այնտեղ, որտեղ դա համապատասխանում է մեր երկրի ազգային շահերին», - ասել է Ռուսաստանի բարձրաստիճան դիվանագետը։