366.85
Սիրիայի ռազմական աղբյուրը հերքել է Իրանի կողմից աթ-Թանֆ ռազմաբազային հարվածելու մասին տեղեկությունները. Al Jazeera
1 րոպեի ընթերցում
Սիրիայի ռազմական աղբյուրը, որի անունը չի նշվում, հերքել է, որ Հոմսի նահանգի հարավ-արևելքում գտնվող աթ-Թանֆ բազան թիրախավորվել կամ ռմբակոծվել է։ «Արմենպրես»-ի փոխանցմամբ՝ այս մասին ռազմական աղբյուրը նշել է Al Jazeera-ի հետ զրույցում։
Սիրիական աղբյուրն ընդգծել է, որ աթ-Թանֆ բազայում ամերիկյան ռազմական ներկայություն չկա։
Բացի այդ, սիրիական ռազմական աղբյուրը Reuters-ին հայտնել է, որ Իրանը հարձակում է իրականացրել աթ-Թանֆի շրջակայքի ուղղությամբ, բայց չի հարվածել հենց բազային։ Աղբյուրը հայտնել է, որ զոհերի կամ նյութական վնասների մասին տեղեկություններ չկան։
Ավելի վաղ Իրանը հայտարարել էր աթ-Թանֆում գտնվող ԱՄՆ հատուկ գործողությունների հրամանատարական կենտրոնի վրա հարձակման մասին։ Հարվածը կատարվել էր՝ ի պատասխան հուլիսի 15-ին Իրանշահրում ԱՄՆ օդային հարվածի ժամանակ արձանագրված զոհերի։
Միացյալ Նահանգները նախկինում հայտարարել էր, որ իր ռազմական ուժերը փետրվարին դուրս են բերվել աթ-Թանֆ բազայից՝ ավելի քան մեկ տասնամյակ այնտեղ տեղակայվելուց հետո։
Բաժանորդագրվեք մեր ալիքին Telegram-ում