1 րոպեի ընթերցում
ԱՄՆ զինված ուժերի կենտրոնական հրամանատարությունը (CENTCOM) հայտարարել է Իրանի դեմ հարվածների նոր ալիք սկսելու մասին։ «Արմենպրես»-ի փոխանցմամբ՝ X սոցիալական հարթակում CENTCOM-ը գրել է, որ հարվածները սկսվել են Արևելյան ժամանակով առավոտյան ժամը 6-ին, այսինքն՝ Երևանի ժամանակով՝ 14։00-ին։
«Հարվածների նպատակն է էլ ավելի նվազեցնել այն ռազմական կարողությունները, որոնք իրանական ուժերն օգտագործել են Հորմուզի նեղուցում առևտրային նավագնացության վրա գրոհելու համար», - նշված է հաղորդագրության մեջ։
Գիշերը կողմերը կրկին ինտենսիվ հարվածներ են փոխանակել։ Ըստ իրանական կողմի՝ վերջին մի քանի օրվա հարվածների հետևանքով երկրում 30-ից ավելի խաղաղ բնակիչ է զոհվել, իսկ գիշերվա հարվածներից զոհվել է 7 զինծառայող։