1 րոպեի ընթերցում
Նորվեգական Stolt Magnesium լցանավում հրդեհ է բռնկվել «անհայտ արտաքին սարքի պայթյունից» հետո, երբ նավն ընթանում էր Արաբական ծովով՝ Օմանի ափերի մոտ, հայտարարել է լցանավի կառավարիչ Stolt Tankers ընկերությունը։ «Արմենպրես»-ի փոխանցմամբ՝ այս մասին հաղորդում է Reuters գործակալությունը։
Ընկերությունը հայտնել է, որ միջադեպը տեղի է ունեցել հուլիսի 14-ի առավոտյան։ Հրդեհ է բռնկվել նավի սարքավորումների սենյակում։ Անձնակազմի անդամները չեն տուժել։
Ավելի վաղ Իրանը և ԱՄՆ-ն հայտնել են նոր փոխադարձ հարվածների մասին։ ԱՄՆ-ն կրկին շրջափակել է իրանական նավահանգիստները՝ նշելով, որ վերահսկողություն կհաստատի Հորմուզի նեղուցի նկատմամբ և վճար կգանձի նեղուցում անվտանգության ապահովման համար։