ՀՀ վարչապետն արդարադատության համակարգի խնդիրների լուծումը դժվարությամբ է պատկերացնում առանց նոր Սահմանադրության ընդունման

2 րոպեի ընթերցում

ՀՀ վարչապետ Նիկոլ Փաշինյանն արդարադատության համակարգի խնդիրների լուծումը դժվարությամբ է պատկերացնում առանց նոր Սահմանադրության ընդունման։ «Արմենպրես»-ի հաղորդմամբ՝ այս մասին վարչապետն ասաց լրագրողների հետ ճեպազրույցում՝ անդրադառնալով իր այն հայտարարությանը, որ Հայաստանում արդարությունը և արդարադատությունը հասանելի են միայն էլիտային։

Լրագրողը հետաքրքրվեց, թե ինչ գործիքակազմով է կառավարությունը պատրաստվում լուծել այդ խնդիրը՝ հաշվի առնելով, որ Փաշինյանի գլխավորած քաղաքական ուժը 8 տարի իշխանության ղեկին է։

Վարչապետը նշեց, որ օրենսդիր և գործադիր իշխանությունները չեն կարող կատարել արդարադատության մարմինների դերը՝ հաշվի առնելով իշխանությունների բաժանման և տարանջատման սահմանադրական սկզբունքը։

«Դժվար եմ պատկերացնում առանց նոր Սահմանադրության այդ խնդիրների լուծումը։ Նոր Սահմանադրության մեջ պետք է ներդնել երդվյալ ատենակալների ինստիտուտը»,- ասաց Փաշինյանը։

Նրա խոսքով՝ անհրաժեշտ է նաև գործող բոլոր դատավորներին տալ դատավորի պաշտոնակատարի կարգավիճակ և գործարկել բարեվարքության խորքային ստուգման գործընթաց։

«Նրանք, ովքեր չեն անցնի այդ բարեվարքության ստուգումը, պարզապես չպետք է վերանշանակվեն»,- նշեց վարչապետը։

Փաշինյանի խոսքով՝ այսօր դատական համակարգը գտնվում է սահմանադրական պաշտպանության ներքո, և գործադիր ու օրենսդիր իշխանությունների հնարավորությունները սահմանափակ են։

Վարչապետը նշեց, որ քաղաքացիները արդարադատության համակարգից դժգոհությունները հիմնականում ուղղում են իրեն, քանի որ հանրային ընկալման մեջ պատասխանատվությունը հաճախ կապվում է կառավարության ղեկավարի հետ։

Նիկոլ Փաշինյանի գնահատմամբ՝ դատական համակարգը Հայաստանի ինստիտուտներից ամենաչկայացածներից է, քանի որ հեղափոխությունը ամենաքիչ ազդեցությունն է ունեցել հենց այդ համակարգի վրա։

«Դատական համակարգը մեր ինստիտուտներից ամենաչկայացածն է, որովհետև հեղափոխությունը ամենաքիչն է ազդեցություն ունեցել այնտեղ՝ այդ թվում սահմանադրական արգելքների պատճառով»,- ընդգծեց վարչապետը։

Հայերեն English Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն