«Արև Արենայում» կայացել է առաջին համերգը

2 րոպեի ընթերցում

Երևանի Մ. Միրզոյանի անվան երաժշտական դպրոցի և հ. 188 հանրակրթական դպրոցի հարակից տարածքում տարիներ շարունակ լքված տարածքը Երևանի քաղաքապետ Տիգրան Ավինյանի նախաձեռնությամբ վերակառուցվել է և վերածվել ժամանակակից բացօթյա մշակութային հարթակի՝ «Արև Արենա»-ի։

«Արմենպրես»-ի փոխանցմամբ՝ այդ մասին հաղորդագրություն է տարածել Երևանի քաղաքապետարանը։

Մշակութային նոր հարթակի համար ձևավորվել է նաև «Արև Արենա» անվանումն ու բրենդային ինքնությունը, որոնք խորհրդանշում են բաց, ժամանակակից և ստեղծարար հանրային տարածք՝ արվեստի, կրթության և համայնքային կյանքը միավորելու նոր միջավայր։

Շուրջ 500 հանդիսատեսի համար նախատեսված մշակութային այս նոր հարթակում կանցկացվեն բազմաժանր համերգային ծրագրեր, թատերական ներկայացումներ, կինոցուցադրություններ և մշակութային այլ միջոցառումներ։ Ամռան ամիսներին այստեղ կգործի նաև մանկապատանեկան ստեղծագործական ճամբար, որը կընդունի շուրջ 300 երեխայի։

Տարածքը վերակառուցելը, հիմնանորոգելը և գույքով համալրելը տևել է շուրջ երկու ամիս։ Այդ ընթացքում հիմնովին նորացվել են ենթակառուցվածքները, կառուցվել են ջրամատակարարման և ջրահեռացման համակարգերը, տարածքը կանաչապատվել, բարեկարգվել է ու ասֆալտապատվել։

Հունիսի 17-ին Երևանի երաժշտական և արվեստի դպրոցների 17-րդ մրցույթ-փառատոնի գալահամերգով ազդարարվեց «Արև Արենայի» պաշտոնական բացումը։

Երեկոյի ընթացքում հայտարարվեց նաև Երևանի քաղաքապետարանի մեկ այլ կարևոր նախաձեռնության մասին. շուրջ 60 տարվա ընդմիջումից հետո Երևանի երաժշտական և արվեստի դպրոցների համար ձեռք են բերվել 30 բարձրակարգ KAWAI ռոյալներ, որոնք էապես կբարելավեն երաժշտական կրթության որակը։ 

Ծրագրով կայացավ նաև աշխարհահռչակ հայազգի ջութակահար-մանկավարժ Իվան Գալամյանի «Ջութակ նվագելու և դասավանդելու սկզբունքները» գրքի շնորհանդեսը, որը Երևանի քաղաքապետ Տիգրան Ավինյանի նախաձեռնությամբ առաջին անգամ թարգմանվել է հայերեն։

Հայերեն

Ուժեղ պայթյուն է որոտացել իրանական Քեշմ կղզու մոտակայքում

Դավիթ Խուդաթյանը հանդիպումներ է ունեցել Իրանի փոխնախագահի, էներգետիկայի և նավթի նախարարների հետ

Արդարադատության նախարարի տեղակալն ընդունել է ՄԱԿ-ի Փախստականների հարցերով գերագույն հանձնակատարի հայաստանյան գրասենյակի ղեկավարին

Սերբիայում ռազմական ինքնաթիռ է կործանվել․ օդաչուն զոհվել է

Արմավիրի մարզի Գայ գյուղում գործող ձկնաբուծարանում ապօրինի ջրօգտագործման դեպք է արձանագրվել

Մոլդովան պատերազմի ավարտից հետո կմասնակցի Ուկրաինայի ականազերծման աշխատանքներին. Moldpres

Գևորգ Պապոյանը Մոսկվայում կմասնակցի ԵԱՏՄ խորհրդակցությունների

ԱԺ նախագահն առաջարկել է Արսեն Գևորգյանի մահվան դեպքը քննարկել առանց քաղաքական շահարկումների

ՃՇՀԱՀ-ի և ԿԳՄՍՆ Բարձրագույն կրթության և գիտության կոմիտեի միջև ստորագրվեց փոխըմբռնման հուշագիր

Նոյեմբերի 18-ի միջոցառումների անոնս