1 րոպեի ընթերցում
ԱՄՆ նախագահ Դոնալդ Թրամփը կարծում է, որ անարդար կլինի պահանջել, որ Իրանը բալիստիկ հրթիռներ չունենա, քանի որ մյուս երկրներն ունեն նման զենք։ «Արմենպրես»-ի փոխանցմամբ՝ այս մասին նա ասել է հունիսի 18-ին Փարիզի Օռլի օդանավակայանում լրագրողների հետ զրույցում, որի տեսանյութը տարածել է Forbes Breaking News-ը։
«Եթե մյուս երկրներն ունեն դրանք (խմբ.՝ բալիստիկ հրթիռներ), ապա փոքր-ինչ անարդար կլինի, եթե Իրանը դրանք չունենա», - նշել է նա:
Թրամփն ընդգծել է, որ Իրանի հետ բանակցություններն առաջին հերթին վերաբերում են ոչ թե բալիստիկ հրթիռներին, այլ Թեհրանի միջուկային ծրագրին:
«Եթե Սաուդյան Արաբիան և Կատարն ունեն ինչ-որ քանակության (բալիստիկ հրթիռներ), ապա ես կասեի, որ դրանց առկայությունը (Իրանում) հարաբերական համամասնությամբ նորմալ է», - հավելել է նա: