1 րոպեի ընթերցում
Թուրքիայի օդային տարածքի անվտանգության ապահովման ուժեղացմանը միտված միջոցառումների շրջանակում ՆԱՏՕ-ն հակաօդային պաշտպանության համակարգ կտեղակայի Թուրքիայի Կոնյա նահանգում։ «Արմենպրես»-ի հաղորդմամբ՝ այս մասին հայտնել է թուրքական TRT Haber հեռուստաալիքը։
Լրատվամիջոցի տեղեկություններով՝ այս որոշումը կայացվել է տարածաշրջանում պահպանվող լարվածության ֆոնին՝ ՆԱՏՕ-ի դաշնակիցների հետ համակարգված աշխատանքի արդյունքում։ Համակարգի տեղակայումը, ենթադրաբար, կմեծացնի սպառնալիքները վերահսկելու և դրանց արձագանքելու Թուրքիայի հնարավորությունները։
Համակարգի տեսակի և տեղակայման ժամանակացույցի վերաբերյալ մանրամասներ չեն հաղորդվում։
Թուրքիայի ազգային պաշտպանության նախարարությունն ավելի վաղ հայտնել էր երկրի օդային տարածքի պաշտպանության միջոցառումների ուժեղացման և տարածաշրջանում տիրող իրավիճակի վերաբերյալ ՆԱՏՕ-ի հետ խորհրդակցություններ անցկացնելու մասին։
Այս տարվա մարտին Թուրքիայի Մալաթիա նահանգում տեղակայվել էր Patriot զենիթահրթիռային համակարգ՝ երկրի հակաօդային և հակահրթիռային համակարգերի պաշտպանությանը նպաստելու նպատակով։