ՀՀ-ում ՌԴ դեսպանությունը շնորհավորել է Հայաստանի Հանրապետության օրվա առթիվ

Հայաստանում Ռուսաստանի դեսպանությունը շնորհավորել է Հայաստանի Հանրապետության օրվա առթիվ։ 

«Արմենպրես»,– փոխանցմամբ՝ դեսպանության տարածած շնորհավորական խոսքում ասված է․ 

«Շնորհավորում ենք Հայաստանի ժողովրդին Հանրապետության օրվա առթիվ։

Մաղթում ենք բարեկեցություն, բարգավաճում և ամենայն բարիք»։ 

Մայիսի 28-ին նշվում է Հայաստանի առաջին հանրապետության օրը: 1918 թվականի մայիսի 28-ին՝ Սարդարապատի, Բաշ-Ապարանի, Ղարաքիլիսայի հերոսամարտերից հետո վերականգնվեց դարեր շարունակ խաթարված հայոց պետականությունը: Հայ ժողովուրդը, ապրելով իր պատմության ամենածանր ժամանակաշրջաններից մեկը, կարողացավ համախմբվել պետություն ունենալու վեհ գաղափարի շուրջ, հավատալ իր ուժին ու ոտքի կանգնել՝ կերտելով անկախ հանրապետություն։