Իսպանիան խոստացել է 50 միլիոն եվրո տրամադրել Կիևին սպառազինությունների մատակարարման ծրագրի համար
1 րոպեի ընթերցում
Իսպանիան 50 միլիոն եվրո կհատկացնի ամերիկյան PURL ծրագրին, որը նախատեսված է Ուկրաինային սպառազինությունների մատակարարումների համար։ «Արմենպրես»-ի փոխանցմամբ՝ այս մասին հայտարարել է թագավորության արտաքին գործերի նախարար Խոսե Մանուել Ալբարեսը՝ ժամանելով Շվեդիայում ՆԱՏՕ-ի արտաքին գործերի նախարարների հանդիպմանը։
«Երեկ տեղի ունեցավ Ուկրաինա-ՆԱՏՕ խորհրդի նիստը։ Իսպանիան ստանձնեց պարտավորություն հատկացնել լրացուցիչ 50 միլիոն եվրո PURL մեխանիզմին», - նրա խոսքերն է մեջբերում ՏԱՍՍ-ը։
PURL նախաձեռնության շրջանակներում ՆԱՏՕ-ի եվրոպական երկրները պարտավորվել են իրենց միջոցներով զենք գնել Միացյալ Նահանգներից՝ Կիևին փոխանցելու համար: