Մակրոնն Ալիևի հետ հեռախոսազրույցում աջակցություն է հայտնել Հայաստանի և Ադրբեջանի միջև խաղաղության գործընթացին

Ֆրանսիայի նախագահ Էմանուել Մակրոնը հեռախոսազրույց է ունեցել Ադրբեջանի նախագահ Իլհամ Ալիևի հետ։

«Արմենպրես»-ի փոխանցմամբ՝ հեռախոսազրույցի մասին X-ի իր միկրոբլոգում գրել է Ֆրանսիայի նախագահ Էմանուել Մակրոնը։

«Ես հեռախոսազրույց եմ ունեցել նախագահ Իլհամ Ալիևի հետ։ Ես վերահաստատել եմ Ֆրանսիայի աջակցությունը Հայաստանի և Ադրբեջանի միջև խաղաղության գործընթացին և ընդգծել, որ կարևոր է, որպեսզի այդ գործընթացը շարունակի առաջընթաց գրանցել։ Մենք անդրադարձել ենք նաև տարածաշրջանային հարցերին և մեր երկկողմ հարաբերությունների զարգացման ներուժին։»,- գրել է Մակրոնը։ 

Je me suis entretenu avec le Président Ilham Aliev.

J'ai rappelé le soutien de la France à la dynamique de paix entre l'Arménie et l'Azerbaïdjan et l'importance que ce processus continue d'avancer.

Nous avons aussi évoqué…

— Emmanuel Macron (@EmmanuelMacron) May 21, 2026

Մակրոնի հետ հեռախոսազրույցին X-ի իր միկրոբլոգում անդրադարձել է նաև Ադրբեջանի նախագահ Իլհամ Ալիևը։

«Այսօր հեռախոսազանգ ստացա Ֆրանսիայի նախագահ Էմանուել Մակրոնից։ Հեռախոսազրույցի ընթացքում քննարկեցինք ադրբեջանա-ֆրանսիական երկկողմ հարաբերությունների օրակարգային հարցերը և մտքեր փոխանակեցինք փոխադարձ հետաքրքրություն ներկայացնող հարցերի վերաբերյալ։

Մենք նաև քննարկեցինք տարածաշրջանային և համաշխարհային զարգացումները»,- գրել է Ալիևը։

Today, I received a phone call from President Emmanuel Macron (@EmmanuelMacron). During the phone conversation, we reviewed issues on the agenda of Azerbaijan–France bilateral relations and exchanged views on matters of mutual interest.

We also discussed regional and global… pic.twitter.com/3gROAA9lK4

— Ilham Aliyev (@presidentaz) May 21, 2026

Հիշեցնենք, որ մայիսի 4-ին Երևանում լրագրողների հետ ճեպազրույցի ժամանակ Ֆրանսիայի նախագահն ասել էր, որ Ադրբեջանում պահվող հայ գերիների հարցը կքննարկի Ադրբեջանի նախագահ Իլհամ Ալիևի հետ։

Ադրբեջանում շարունակում են ապօրինաբար պահել 19 հայ գերիների, որոնց թվում են նաև Ղարաբաղի նախկին ռազմաքաղաքական ղեկավարության ներկայացուցիչները։ Նրանց նկատմամբ կեղծ մեղադրանքներով ազատազրկման դատավճիռներ են կայացվել։