1 րոպեի ընթերցում
Սևանա լճի մակարդակը 2026 թվականի մայիսի 7-ից 17-ն ընկած ժամանակահատվածում բարձրացել է 8 սանտիմետրով։
Ինչպես «Արմենպրես»-ը տեղեկացավ ՀՀ ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ տեղեկագրից, 2026 թվականի մայիսի 17-ի դրությամբ Սևանա լիճը ծովի մակերևույթից գտնվել է 1900 մետր 49 սանտիմետր բարձրության վրա, որը 17 սանտիմետրով ցածր է նախորդ տարվա մայիսի 15-ին գրանցված նիշից, իսկ 8 սանտիմետրով ավել 2026 թվականի մայիսի 7-ին գրանցված նիշից։
2026 թվականի հունվարից մինչև մայիսի 17-ն ընկած ժամանակահատվածում Արփա-Սևան թունելային ջրատարով, ներառյալ ստորերկրյա հոսքը, Սևանա լիճ է տեղափոխվել 67 միլիոն 581 հազար խմ ջուր։
Սևան թափվող գետերում դիտվել է փոփոխական ռեժիմ։
Սևանա լճից Հրազդանի հունով ոռոգման նպատակներով առայժմ ջրառ չի իրականացվում։