Գազայի հատվածի վարելահողերը գրեթե ամբողջությամբ վնասվել են Իսրայելի հետ պատերազմի հետևանքով

2 րոպեի ընթերցում

ՀԱՄԱՍ-ի և Իսրայելի միջև Գազայի հատվածում պատերազմի հետևանքով պաղեստինյան անկլավի վարելահողերի 96%-ը վնասվել կամ անհասանելի է դարձել։ Ինչպես «Արմենպրես»-ը տեղեկանում է The Associated Press-ից, այս մասին վկայում է «Մերսի Քորփս» միջազգային մարդասիրական խմբի կողմից հրապարակված ուսումնասիրությունը։

Ուսումնասիրության համաձայն՝ Գազայի գյուղատնտեսական ենթակառուցվածքների միայն 7%-ն է գործում։

«Մերսի Քորփս»-ը հայտարարել է, որ ջրային համակարգերը և ջրհորները լրջորեն վնասվել են, աղիությունը բարձրացել է, և կեղտաջրերը ներթափանցել են Գազայի հատվածի վարելահողեր։

«Այս ոչնչացումը միայն բնապահպանական չէ։ Այն ուղղակիորեն կապված է պարենային ճգնաժամի հետ», - ասել է մարդասիրական խումբը։

Կազմակերպությունը զգուշացրել է, որ Գազայի վարելահողերի լիարժեք վերականգնումը կարող է տարիներ տևել, եթե Իսրայելը շարունակի ապրանքների մատակարարման սահմանափակումները, և հողի ու ջրի աղտոտման հարցը չլուծվի։

Գազայի առողջապահության նախարարությունը տեղեկացրել է, որ 2023 թ. հոկտեմբերի 7-ից ի վեր իսրայելական հարձակումների հետևանքով զոհված պաղեստինցիների թիվը հասել է 72 594-ի, վիրավորվել է 172 404 մարդ։

Իսրայելը Գազայի հատվածում ռազմական գործողություններ էր սկսել՝ ի պատասխան պաղեստինյան ՀԱՄԱՍ շարժման զինյալների ներխուժման, որի հետևանքով զոհվել էր գրեթե 1200, գերեվարվել՝ շուրջ 250 մարդ։

Հոկտեմբերին կնքված հրադադարը դադարեցրել է Գազայի պատերազմում ծանր մարտերը, սակայն կողմերը պարբերաբար հայտնում են խախտումների մասին։

Հայերեն

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն