365.82
Փաշինյանը շեշտել է, որ խաղաղությունը կախված է, ոչ թե իր անձից կամ թիմից, այլ՝ ժողովրդից
1 րոպեի ընթերցում
ՀՀ վարչապետ Նիկոլ Փաշինյանն ընդգծել է, որ խաղաղությունը կախված է ոչ թե իրենից կամ իր թիմից, այլ ժողովրդից, որը պետք է առաջիկա ընտրություններում տեր կանգնի դրան։
«Արմենպրես»-ի հաղորդմամբ՝ Լոռու մարզի Տաշիր քաղաքում բնակիչների հետ հանդիպմանը Նիկոլ Փաշինյանը, անդրադառնալով խաղաղության վերաբերյալ քաղաքացու հարցին, նշել է, որ ընտրություններում «Քաղաքացիական պայմանագիր կուսակցությունը հանդես է գալիս «Տեր կանգնիր խաղաղությանը» կարգախոսով։
«Սա նշանակում է՝ մենք ոչ թե ասում ենք, որ խաղաղությունը ինձնից կամ մեր թիմից է կախված, այլ՝ ժողովրդից և ժողովուրդն այս ընտրություններում պետք է ցույց տա խաղաղության իր կամքը»,-շեշտել է նա՝ հավելելով, որ այդ կամքը պետք արտահայտվի՝ հանդես գալով խաղաղության ծրագիր ու կարգախոս ունեցող ուժերի օգտին։
Փաշինյանը համոզմունք է հայտնել, որ 29 հազար 743 քառակուսի կիլոմետրով չբավարարվելու, տեսանյութերում ու պաստառներին Հայաստանի միջազգայնորեն ճանաչված սահմաններից դուրս քարտեզներով հանդես եկող քաղաքական ուժերի իշխանության գալը կնշանակի կոնֆլիկտ և պատերազմ։
Բաժանորդագրվեք մեր ալիքին Telegram-ում