1 րոպեի ընթերցում
Ռուսաստանի նախագահ Վլադիմիր Պուտինը դեռևս որևէ որոշում չի կայացրել Ուկրաինայի հետ Զատկի տոների ընթացքում հրադադար հաստատելու վերաբերյալ։ Ինչպես «Արմենպրես»-ը տեղեկանում է «Ինտերֆաքս»-ից, այս մասին հայտարարել է Կրեմլի խոսնակ Դմիտրի Պեսկովը։
«Գերագույն հրամանատարն այսօրվա դրությամբ որևէ որոշում չի կայացրել», - լրագրողներին ասել է Պեսկովը՝ պատասխանելով համապատասխան հարցին։
Ուկրաինայի նախագահ Վոլոդիմիր Զելենսկին ավելի վաղ հայտարարել էր, որ Կիևը պատրաստ է հրադադարի Զատկի տոների ընթացքում։ Նա հավելել էր, որ երկու-երեք օրվա հրադադարի ընթացքում ռուսական զորքերը չեն կարողանա ամրապնդել իրենց դիրքերը ռազմաճակատում։
2025 թվականին տարի կողմերի միջև հայտարարվել էր Զատկի հրադադար, սակայն երկու կողմն էլ միմյանց մեղադրել են այն խախտելու համար։
Ուղղափառ Զատիկը կնշվի կիրակի՝ ապրիլի 12-ին։