Ավիահարվածի հետևանքով ծանր վիրավորվել է Իրանի նախկին արտգործնախարարը

Իրանի լրատվամիջոցները հաղորդում են, որ օդային հարվածի հետևանքով ծանր վիրավորվել է Իրանի արտաքին հարաբերությունների ռազմավարական խորհրդի նախագահ և Իրանի նախկին արտգործնախարար Քամալ Խարազին։

Ինչպես հաղորդում է «Արմենպրես»-ը, նշվում է, որ թիրախավորվել է նրա բնակարանը, ինչի հետևանքով Խարազիի կինը զոհվել է։

81-ամյա Խարազին 1997-ից մինչև 2005 թվականը եղել է Իրանի արտաքին գործերի նախարար։ Այնուհետև նա եղել է Իրանի սպանված գերագույն առաջնորդ այաթոլլա Ալի Խամենեիի արտաքին հարցերով խորհրդականը։