1 րոպեի ընթերցում
Սաուդյան Արաբիայի պաշտպանության նախարարությունը հայտնել է, որ իր հակաօդային պաշտպանության ուժերը վերջին ժամերի ընթացքում խոցել և ոչնչացրել են երկու անօդաչու թռչող սարք։ «Արմենպրես»-ի փոխանցմամբ՝ այս մասին հայտնում է Սաուդյան Արաբիայի պաշտպանության նախարարությունը։
Նախարարությունը հայտնել է, որ գիշերվա ընթացքում ընդհանուր առմամբ խոցվել է չորս անօդաչու թռչող սարք։
Իր հերթին Կատարի պաշտպանության նախարարությունը հայտարարել է, որ ապրիլի 1-ին երկրի ուղղությամբ Իրանն արձակել է 3 թևավոր հրթիռ:
Փետրվարի 28-ին ԱՄՆ-ն և Իսրայելն Իրանի դեմ համատեղ ռազմական գործողություն են սկսել՝ մեղադրելով Թեհրանին հրթիռային և միջուկային ծրագիրը զարգացնելու համար։ Իրանը, հերքելով մեղադրանքները, սկսել է պատասխան հարվածներ հասցնել Իսրայելին, ինչպես նաև տարածաշրջանի երկրներում ամերիկյան ռազմաբազաներին։ Հարվածներից տուժել են Քուվեյթը, Կատարը, ԱՄԷ-ն, Սաուդյան Արաբիան, Օմանը, Բահրեյնը, Իրաքը։