1 րոպեի ընթերցում
Էկվադորն անցանկալի անձ է հայտարարել Կուբայի դեսպանին և կարգադրել, որպեսզի հավատարմագրված ողջ դիվանագիտական կորպուսը 48 ժամվա ընթացքում լքի երկիրը: Ինչպես հաղորդում է «Արմենպրես»-ը, այս մասին հայտնում է Էկվադորի ԱԳ նախարարությունը։
Էկվադորի արտաքին գործերի նախարարության կողմից տարածված նոտայում բացատրություններ չկան, թե ինչու են երկրի իշխանությունները նման որոշում կայացրել, սակայն էկվադորական լրատվամիջոցները հիշատակում են, որ կուբացի դիվանագետներն ենթադրաբար հետախուզական գործունեությամբ են զբաղվել Էկվադորի տարածքում։
Իշխանությունների որոշումը տարակուսանք է առաջացրել Էկվադորի որոշ կուսակցությունների, մասնավորապես, «Ազգային ժողովրդավարական գործողության» և «Քաղաքացիական հեղափոխության» կողմնակիցների շրջանում, որոնք հավաքվել էին Կիտոյում Կուբայի դեսպանատան դիմաց՝ ի նշան աջակցության Հավանային։