1 րոպեի ընթերցում
Լիբանանի կրթության նախարարությունը հայտարարել է երկրում բոլոր պետական և մասնավոր դպրոցների, ինչպես նաև մասնագիտական ուսումնական հաստատությունների փակման մասին՝ կապված անվտանգային ռիսկերի ու երկրի տարբեր շրջաններում շարունակվող հարձակումների հետ։ Ինչպես հաղորդում է «Արմենպրես»-ը, այս մասին հայտնում է Լիբանանի ազգային լրատվական գործակալությունը։
Նախարարությունից հայտնել են, որ որոշումը կայացվել է ուսանողներին և ուսուցչական անձնակազմին պաշտպանելու համար։
Նախարարությունը տեղեկացրել է նաև, որ մի շար պետական դպրոցներ կօգտագործվեն տեղահանված ընտանիքներին ապաստան տալու նպատակով։
Լիբանանում գործող «Հեզբոլլահ»-ը մարտի 2-ին իսրայելական կողմի դեմ կրակ է բացել ՝ ի պատասխան Իրանի գերագույն առաջնորդ այաթոլլա Ալի Խամենեիի սպանության և «Իսրայելի շարունակվող ագրեսիաների»։
Ի պատասխան դրա՝ Իսրայելը հարձակումներ է իրականացրել Լիբանանի տարբեր հատվածներում, ինչի հետևանքով զոհվել է 31 մարդ, վիրավորվել՝ 149-ը։