1 րոպեի ընթերցում
Քրեական ոստիկանության Գեղարքունիքի մարզային վարչությունում փետրվարի 16-ին օպերատիվ տեղեկություն էր ստացվել, որ Ծովասար գյուղի 33-ամյա բնակիչը ապօրինի ինքնաձիգ է պահում: Վարչություն հրավիրված երիտասարդը բացատրական աշխատանքի արդյունքում հայտնել է, որ տեղեկությունը հավաստի է:
«Արմենպրես»-ի փոխանցմամբ՝ այս մասին հայտնում է ՀՀ ՆԳՆ ոստիկանությունը։
Նախաձեռնված քրեական վարույթի շրջանակում կատարված զննությամբ 33-ամյա ծովասարցու առանձնատան տանիքում հայտնաբերվել է «ԱԿՍ» տիպի ինքնաձիգ և պահեստատուփ։
Կատարվում է նախաքննություն:
ՆԳՆ ոստիկանությունը հորդորում է քրեական պատասխանատվությունից խուսափելու համար կամավոր հանձնել ապօրինի պահվող զենք-զինամթերքը։