1 րոպեի ընթերցում
Թուրքիայի նախագահ Ռեջեփ Թայիփ Էրդողանը հեռախոսազրույց է անցկացրել Արաբական Միացյալ Էմիրությունների նախագահ շեյխ Մոհամմեդ բին Զայեդ Ալ Նահյանի հետ։
Ինչպես հաղորդում է «Արմենպրես»-ը, այս մասին հայտնում է թուրքական Yenisafak-ը:
Առաջնորդները քննարկել են երկու երկրների միջև համագործակցության հնարավորությունները և հարաբերությունների հետագա ամրապնդմանն ուղղված քայլերը։
Զրույցի ընթացքում հաստատվել է Արաբական Միացյալ Էմիրությունների և Թուրքիայի միջև հարաբերությունները խորացնելու վճռականությունը։
Առաջնորդները քննարկել են նաև տարածաշրջանային և միջազգային մակարդակներում փոխադարձ հետաքրքրություն ներկայացնող հարցեր, տարածաշրջանում վերջին զարգացումները և այդ զարգացումներին արձագանքելու ջանքերը։
Պետությունների ղեկավարները հայտարարել են, որ իրենց հանդիպումը հետաձգվել է՝ միաժամանակ հաստատելով մոտ ապագայում հանդիպելու իրենց մտադրությունը։