Միջպետական և հանրապետական նշանակության բոլոր ավտոճանապարհները բաց են. Ապարանի և Արագածոտնի տարածաշրջանում բուք է
1 րոպեի ընթերցում
Հայաստանում ժամը 17։00-ի դրությամբ միջպետական և հանրապետական նշանակության բոլոր ավտոճանապարհները բաց են: «Արմենպրես»-ի փոխանցմամբ՝ այս մասին հայտնում են «Ճանապարհային դեպարտամենտ» հիմնադրամից։
Ճանապարհների սպասարկման համար պատասխանատու կազմակերպությունները շարունակում են ավտոճանապարհների մաքրման և աղ-ավազով մշակման աշխատանքները: Վարդենյաց լեռնանցքը և Նորավան-Լծեն-Տաթև ավտոճանապարհը կցորդով տրանսպորտային միջոցների համար դժվարանցանելի են՝ անվաշղթաների կիրառմամբ։
Աբովյանի, Նաիրիի, Հրազդանի, Սևանի, Մարտունիի, Ապարանի, Աշոցքի, Վայքի տարածաշրջաններում ձյուն է տեղում։ Ապարանի, Արագածի տարածաշրջանների ավտոճանապարհներին բուք է։
«Ճանապարհային դեպարտամենտ» հիմնադրամը վարորդներին հորդորում է լինել ուշադիր, խստագույնս պահպանել ճանապարհային երթևեկության կանոնները և երթևեկել բացառապես ձմեռային անվադողերով։