Վրաստանի ԱԳ փոխնախարարը Վաշինգտոնում ԱՄՆ պաշտոնյաների հետ քննարկել է գործընկերության զարգացումը, հարաբերությունների վերականգնումը
2 րոպեի ընթերցում
Վրաստանի արտաքին գործերի փոխնախարար Լաշա Դարսալիան Վաշինգտոն կատարած այցի ընթացքում հանդիպել է ԱՄՆ առևտրի փոխնախարարներ Ուիլյամ Քիմմիթի և Ջեֆրի Քեսլերի հետ։ Ինչպես «Արեմնպրես»-ը տեղեկանում է News Georgia-ից, այս մասին հաղորդել է Վրաստանի արտաքին գործերի նախարարության մամուլի ծառայությունը։
Գերատեսչության տվյալներով՝ կողմերը քննարկել են վրաց-ամերիկյան գործընկերության զարգացումը լոգիստիկայի, տարածաշրջանային առևտրի, թվային տեխնոլոգիաների, արհեստական բանականության և նորարարության ոլորտներում։ Նաև անդրադարձել է կատարվել ենթակառուցվածքային ընթացիկ նախագծերին, հետագա համագործակցության հեռանկարներին և Վրաստանի դերին Միջին միջանցքի զարգացման գործում։ Ուշադրության առանցքում է եղել բարձր տեխնոլոգիաների ոլորտում ամերիկյան ներդրումների ներգրավման հնարավորությանը։
Ավելի վաղ Դարսալիան և ԱՄՆ-ում Վրաստանի դեսպան Թամար Թալիաշվիլին հանդիպել են ԱՄՆ պետքարտուղարության ներկայացուցիչների՝ ռազմավարական պլանավորման ավագ խորհրդական Ջոնաթան Ասկոնասի և պետքարտուղարի տեղակալներ Չարլզ Յոքիի և Բրենդան Հանրահանի հետ։ Վրացական կողմը հաստատել է ԱՄՆ-ի հետ հարաբերությունները վերականգնելու իր պատրաստակամությունը և ընդգծել ռազմավարական գործընկերության վերականգնման կարևորությունը։
Ամերիկյան կողմը չի բացահայտել բանակցությունների մանրամասները։
ԱՄՆ-ի և Վրաստանի միջև ռազմավարական գործընկերությունն արդեն երկու տարի է՝ սառեցված է նախկին նախագահ Ջո Բայդենի վարչակազմի որոշմամբ։ «Վրացական երազանք» կուսակցության ներկայացուցիչները, որոնցից մի քանիսը գտնվում են ԱՄՆ պատժամիջոցների տակ, հույս ունեն, որ այս քաղաքականությունը կվերանայվի Դոնալդ Թրամփի վարչակազմի օրոք։