1 րոպեի ընթերցում
Սպիտակ տունը հավանություն է տվել Մերձավոր Արևելքում ԱՄՆ-ի երկու խոշոր դաշնակիցներին՝ Իսրայելին և Սաուդյան Արաբիային ընդհանուր առմամբ 15,67 միլիարդ դոլար արժողությամբ զենքի լայնածավալ վաճառքին։
«Արմենպրես»-ի հաղորդմամբ՝ այս մասին հայտնել է ԱՄՆ Պետդեպարտամենտը։
Պետդեպարտամենտի հայտարարության համաձայն՝ Իսրայելին նախատեսված 6,67 միլիարդ դոլարի զենք վաճառելու գործարքը ներառում է չորս առանձին փաթեթ։
Դրանց շրջանակում Իսրայելին կմատակարարվեն 30 Apache հարվածային ուղղաթիռներ՝ հրթիռային կայանքներով և կատարելագործված նշանառության համակարգերով, ինչպես նաև 3 250 թեթև տակտիկական մեքենա։
Սաուդյան Արաբիայի համար նախատեսված շուրջ 9 միլիարդ դոլարի զենքի խմբաքանակը ներառում է 730 Patriot հրթիռ և դրանց սպասարկման համար անհրաժեշտ հարակից սարքավորումներ։ Հայտարարությունում նշվում է, որ գործարքը նպատակ ունի աջակցել տարածաշրջանում ՆԱՏՕ-ի կազմում չընդգրկված խոշոր դաշնակցին։
Պետդեպարտամենտը հայտնել է նաև, որ ԱՄՆ Կոնգրեսը պաշտոնապես ծանուցվել է վաճառքի հաստատման մասին։