1 րոպեի ընթերցում
Մեքսիկայում զինված անձինք ֆուտբոլի դաշտում հարձակում են իրականացրել, որի հետևանքով զոհվել է 11 մարդ, 12-ը՝ վիրավորվել։ «Արմենպրես»-ի փոխանցմամբ՝ այս մասին հաղորդում է Independent պարբերականը։
Դեպքը տեղի է ունեցել հունվարի 25-ին, Գուանախուատոյի նահանգի Սալամանկա քաղաքում, Լոմա դե Ֆլորես համայնքի հավաքի ժամանակ։ Վիրավորների թվում կան կին և երեխա։
Հարձակման շարժառիթը դեռ հայտնի չէ, սակայն Գուանախուատոյի նահանգում բռնության բազմաթիվ դեպքեր են գրանցվում հանցախմբերի միջև հակամարտության պատճառով։
Իր հերթին The Sun պարբերականը հաղորդում է, որ հարձակումն, ամենայն հավանականությամբ, իրականացվել է 4 տղամարդու կողմից, որոնք եղել են պիկապ մեքենաներով։ Տպավորություն է եղել, որ հրաձիգները կրակ են բացել առանց որևէ խտրականության՝ արձակելով ավելի քան 100 գնդակ։
Սալամանկայի քաղաքապետ Սեսար Պրիետոն դիմել է երկրի նախագահ Կլաուդիա Շեյնբաումին՝ խնդրելով օգնել վերահսկել բռնությունը։