1 րոպեի ընթերցում
Հայաստանի Հանրապետությունն ինքն իրեն պաշտպանելու է օտարերկրյա ազդեցության գործակալներից:
«Արմենպրես»-ի հաղորդմամբ՝ այս մասին վստահեցրեց ՀՀ վարչապետ Նիկոլ Փաշինյանն ԱԺ-կառավարություն հարցուպատասխանին:
«Հայաստանի Հանրապետությունն ինքն իրեն պաշտպանելու է օտարերկրյա ԿԳԲ-ի գործակալներից և օտարերկրյա ազդեցության գործակալներից՝ անկախ նրանից՝ իրենք քաղաքական գործչի փողկապի, թե հոգևոր ծառայողի վեղարի տակ են թաքնված: ՀՀ-ն ինքն իրեն պաշտպանելու է, ՀՀ ժողովուրդն իր պետությանը պաշտպանելու է, Հայաստանի պետությունն իր ժողովրդին պաշտպանելու է»,-ասաց Փաշինյանը:
Նա հավելեց՝ պետությունն իր դերում է լինելու: Վարչապետը նկատեց՝ 2018-ից ժողովուրդը դժգոհում է իշխանության «թավիշի» համար, 2021-ին տվել է «պողպատյա մանդատ»:
«Եվ մենք հնարավորինս փափուկ ձևով այդ պողպատյա մանդատը կիրառում ենք: Այդ մանդատը մենք ժողովրդից ստացել ենք: Եվ ժողովուրդը մի բան էլ դժգոհ է, որ մենք բավարար կոշտությամբ չենք օգտագործում այդ մանդատը»,-նշեց նա: