Թրամփը 200% մաքսատուրք կսահմանի ֆրանսիական գինիների համար, որպեսզի Մակրոնը միանա Խաղաղության խորհրդին
1 րոպեի ընթերցում
Միացյալ Նահանգները մտադիր է 200% մաքսատուրք սահմանել ֆրանսիական գինիների և շամպայնների համար, որպեսզի Ֆրանսիայի նախագահ Էմանուել Մակրոնին ստիպի միանալ Խաղաղության խորհրդին։ «Արմենպրես»-ի փոխանցմամբ՝ այս մասին հաղորդում է Reuters գործակալությունը։
Ըստ հրապարակման՝ լրագրողները Թրամփին խնդրել են մեկնաբանել այն, որ Մակրոնը չի պատրաստվում միանալ Խաղաղության խորհրդին։
«Նա նման բա՞ն է ասել։ Դե ինչ, ոչ ոք նրան այնտեղ չի ցանկանում, որովհետև նա շուտով հեռանալու է պաշտոնից», - ասել է Թրամփը։
«Ես 200% մաքսատուրք կսահմանեմ նրա գինիների և շամպայնների համար, և նա կմիանա, բայց նա պարտավոր չէ միանալ»,- հավելել է Թրամփը։
Հունվարի 19-ին Մակրոնին մոտ կանգնած մի աղբյուր հայտնել էր, որ նա մտադիր է մերժել նախաձեռնությանը միանալու առաջարկը։
Թրամփը հրավերներ է ուղարկել շուրջ 60 երկրի ղեկավարների՝ Խաղաղության խորհրդին միանալու վերաբերյալ։
Նման հրավեր է ստացել նաև ՀՀ վարչապետ Նիկոլ Փաշինյանը, որն ընդունել է առաջարկը։