1 րոպեի ընթերցում
Կոլումբիայում ձախակողմյան պարտիզանական խմբավորման առնվազն 27 անդամ զոհվել է երկրի հարավ-արևմուտքում գտնվող ջունգլիների նկատմամբ վերահսկողության համար մղվող պայքարում մրցակից խմբավորման հետ բախումների ժամանակ։
Ինչպես հաղորդում է «Արմենպրես»-ը, այս մասին հայտնել է Reuters-ը՝ հղում անելով Կոլումբիայի ռազմական իշխանություններին։
Նշվում է, որ բախումները, որոնք վերջին ամիսներին ամենադաժանն են եղել, տեղի են ունեցել Գուավիարե դեպարտամենտի Էլ Ռետորնո մունիցիպալիտետի գյուղական տարածքում՝ մայրաքաղաք Բոգոտայից 300 կիլոմետր հարավ-արևմուտք։
Նշվում է, որ տարածքները, որոնց նկատմամբ վերահսկողության համար պայքարում են խմբավորումները, կարևոր նշանակություն ունեն կոկաինի արտադրության և ապօրինի շրջանառության համար։