Ուկրաինայի նախագահի և եվրոպական երկրների առաջնորդների միջև զրույցը կանցկացվի առանց Դոնալդ Թրամփի. Reuters
1 րոպեի ընթերցում
Ուկրաինայի նախագահ Վոլոդիմիր Զելենսկու և եվրոպական երկրների առաջնորդների միջև շաբաթ օրը կայանալիք հեռախոսազրույցը տեղի կունենա առանց ԱՄՆ նախագահ Դոնալդ Թրամփի մասնակցության։
Ինչպես հաղորդում է «Արմենպրես»-ը, այս մասին հայտնում է Reuters-ը։
Ավելի վաղ գործակալությունը, հղում անելով Եվրահանձնաժողովի ներկայացուցչին, հայտնել էր, որ Եվրահանձնաժողովի նախագահ Ուրսուլա ֆոն դեր Լայենը շաբաթ օրը կմասնակցի Թրամփի, Զելենսկու և եվրոպացի առաջնորդների հետ զրույցին։
«Զելենսկին շաբաթ օրը կզանգահարի Եվրահանձնաժողովի նախագահ Ուրսուլա ֆոն դեր Լայենին և այլ եվրոպացի առաջնորդների»,-ավելի ուշ հաղորդել է գործակալությունը՝ հղում անելով նաև Եվրահանձնաժողովի խոսնակին։