1 րոպեի ընթերցում
Տոնական մթնոլորտում՝ երաժշտական ծրագրով և շքեղ հրավառությամբ, վառվեցին Գյումրու գլխավոր տոնածառի լույսերը։ Ինչպես տեղեկացնում է «Արմենպրես»Qq-ը, մոտ 28 մետր բարձրությամբ տոնածառը բնական ճյուղերից է։
Տոնական միջոցառման բացման պատիվը տրվեց Գյումրու փողային նվագախմբին, որից հետո ելույթ ունեցավ «Դեղձանիկ» վոկալ-գործիքային անսամբլը։
Գյումրու փոխքաղաքապետ, Գյումրու քաղաքապետի պարտականությունները կատարող Ավետիս Առաքելյանը շնորհավորեց բոլորին գալիք տոների կապակցությամբ՝ մաղթելով երկրին կայուն զարգացում, խաղաղություն, իսկ ժողովրդին՝ բարեկեցություն։
«Միասին կանգնած ենք նոր տարվա շեմին՝ լի սպասելիքներով, հավատով և հույսով։ Այս լույսերը պարզապես զարդարանք չեն, դրանք մեր միասնականության վկան են, մեր տոկունության ու հավատարմության վաղվա օրվա հանդեպ»,- նշեց Ավետիս Առաքելյանը։
Միջոցառումը ուղեկցվեց հրավառությամբ ու համերգով։