1 րոպեի ընթերցում
Ուկրաինայի և Մեծ Բրիտանիայի պաշտպանության նախարարությունների պատվիրակությունները ուկրաինական Octopus անօդաչու թռչող սարքի արտադրության լիցենզավորման համաձայնագիր են ստորագրել։ «Արմենպրես»-ի փոխանցմամբ՝ այս մասին Telegram ալիքում հայտարարել է Ուկրաինայի պաշտպանության նախարար Դենիս Շմիգալը։
Նա նշել է, որ կնքված համաձայնությունը թույլ կտա Մեծ Բրիտանիայում արտադրել ուկրաինական անօդաչուներ։
Շմիգալի խոսքով՝ անօդաչու թռչող սարքերի արտադրությունը «կարող է հասնել ամսական մի քանի հազարի»:
«Արտադրված միջոցները կփոխանցվեն Ուկրաինա՝ մեր երկնքի պաշտպանությունը ամրապնդելու համար»,- նշել է նախարարը՝ երախտագիտություն հայտնելով բրիտանացի գործընկերներին համագործակցության, վստահության և օդային պաշտպանության ամրապնդման գործում ունեցած ներդրման համար։