1 րոպեի ընթերցում
Շվեյցարիայի արտաքին գործերի նախարարությունը հայտարարել է Մոսկվայի և Կիևի միջև որպես միջնորդ հանդես գալու պատրաստակամության մասին, եթե կողմերը դիմեն: Ինչպես հաղորդում է «Արմենպրես»-ը, այդ մասին հայտնել է Շվեյցարիայի ժողովրդական կուսակցությունից խորհրդարանի պատգամավոր Ժան Լյուկ Ադորը` նշելով, որ այդ հարցը բարձրացրել է երկրի ԱԳ նախարար Ինիացիո Կասիսի հետ։
«Շվեյցարիան կարող է իր ներդրումն ունենալ նման երկխոսության մեջ, բայց միայն այն դեպքում, եթե բոլոր կողմերը, այդ թվում՝ Ռուսաստանը, համաձայնեն մասնակցել։ Այս հարցը ես արդեն բարձրացրել եմ դաշնային խորհրդական Ինիացիո Կասիսի հետ», - «Իզվեստիա»-ին հայտարարել է պատգամավորը։
Նոյեմբերի սկզբին Կասիսը հայտնել էր ԵԱՀԿ-ում Բեռնի նախագահության շրջանակում 2026 թ. սկզբին Մոսկվա այցելելու մտադրության մասին։