Հայաստանում նախագծվել է փոքր արբանյակ, որի հնարավոր կիրառությունը դեռ պետք է հստակեցվի

3 րոպեի ընթերցում

2022 և 2023 թվականներին համապատասխանաբար ARMSAT-1 և Hayasat-1 արբանյակները տիեզերք արձակելուց հետո Հայաստանում մտածում են համանման հերթական նախագիծը կյանքի կոչելու մասին: Մասնավորապես, երևանյան աշխատանոցներից մեկում նախագծվել է փոքր արբանյակ, որի պատրաստման նպատակահարմարությունը և գործնական կիրառության ոլորտները դեռ պետք է հստակեցվեն մասնագետների հետ քննարկումների արդյունքում:

«Արմաթ» ճարտարագիտական աշխատանոցի կրթական ծրագրի ղեկավար Մայա Շահումյանը «Արմենպրես»-ի թղթակցի հետ զրույցում նշեց, որ իրագործման դեպքում դա կարող է շատ հավակնոտ նախագիծ համարվել:

«Երևանի աշխատանոցներից մեկում նախագծվել է Cubesat ձևաչափի սարքը (խմբ. նույն ձևաչափի էին նաև ARMSAT-1 և Hayasat-1 արբանյակները), որը փոքր արբանյակի տարբերակ է: Դա տիեզերական նախագծերից մեկն է, որի ուղղությամբ ուզում ենք աշխատել՝ ապահովել շահագրգիռ կազմակերպությունների կամ ընկերությունների կապը մասնագետների հետ, որպեսզի քննարկումների արդյունքում պարզ դառնա, թե որ ուղղությամբ է պետք շարունակել ընթացքը: Կարծում եմ` մի քանի ամիս կպահանջվի այդ ամենը հստակեցնելու համար: Դա կարող է շատ հավակնոտ նախագիծ դիտվել»,- նշեց Մայա Շահումյանը:

2022 թվականի մայիսի 25-ին տիեզերք էր արձակվել Հայաստանի առաջին՝ ARMSAT-1 արբանյակը, որը կոչված էր նպաստելու սահմանների պաշտպանությանը, արտակարգ իրավիճակների և շրջակա միջավայրի մոնիթորինգին, ինչպես նաև գյուղատնտեսության և շինարարության աշխատանքներին աջակցելուն: ARMSAT-1-ը ստեղծվել էր իսպանական SATLANTIS ընկերության մասնակցությամբ:

Հայկական արտադրության առաջին արբանյակ Hayasat-1-ը տիեզերք էր արձակվել 2023 թվականի դեկտեմբերի 1-ին՝ գիտական ուսումնասիրություններ իրականացնելու նպատակով: Այն մշակվել և պատրաստվել էր Հայաստանում՝ «Բազումք» տիեզերական հետազոտությունների լաբորատորիայի և Գիտական ​​նորարարությունների և կրթության կենտրոնի թիմի կողմից։  

Իրենց առաքելություններն արդեն ավարտած երկու արբանյակներից  ARMSAT-1-ն  արձակվել էր SpaceX-ի հրթիռների միջոցով՝ ԱՄՆ Կանավերալ հրվանդանում գտնվող տիեզերակայանից, իսկ Hayasat-1-ը՝ Վանդենբերգի ռազմաօդային բազայից։ 

Հայերեն English Türkçe

Սեդա Ղուկասյանը նշանակվել է Կենտրոնական բանկի հասարակայնության հետ կապերի բաժնի պետ

Պերուն արտակարգ դրություն է հայտարարել վառելիքի պակասի սպառնալիքի պատճառով

Նոր Սահմանադրության ընդունումից հետո խաղաղության համաձայնագրի ստորագրման և վավերացման երաշխիքներ կան․ Փաշինյան

ԱՄՆ-ում Իրանին մեղադրել են երկրի կարևորագույն ենթակառուցվածքների դեմ կիբերհարձակումներ իրականացնելու մեջ

Վարչապետը պարզաբանել է, թե ինչու Հայաստանը չի միացել Դուբլինի հռչակագրին

Պուտինը և Թրամփը կհանդիպեն Ասիա-խաղաղօվկիանոսյան տնտեսական համագործակցության գագաթնաժողովի լիագումար նիստից հետո

Վարչապետը նոր Սահմանադրության օրակարգն առաջ մղելու երկու ճանապարհ է ներկայացրել

Երևանում տներից մեկում բռնկված հրդեհը մարվել է․ հրշեջ-փրկարարները կանխել են կրակի տարածումը հարակից տներ

ԱԳՄԱ նախարարը գերիների հարցի լուծումը կապել է խաղաղության համաձայնագրի ստորագրման և համագործակցության հետ

Գազայում սպանվել է ՀԱՄԱՍ-ի ռազմական թևի երկու հրամանատար