Էրդողանը կարևորել է Ուկրաինայում հակամարտության կարգավորման հարցում Ռուսաստանի և ԱՄՆ-ի հետ համագործակցությունը
1 րոպեի ընթերցում
Թուրքիայի նախագահ Ռեջեփ Թայիփ Էրդողանը կարևոր նշանակություն է տալիս Ուկրաինայում հակամարտության լուծման հարցում Ռուսաստանի և Միացյալ Նահանգների հետ փոխգործակցությանը։ «Արմենպրես»-ի հաղորդմամբ՝ այս մասին նա հայտարարել է Ուկրաինայի նախագահ Վլադիմիր Զելենսկիի հետ նոյեմբերի 19-ին Անկարայում տեղի ունեցած բանակցություններից հետո։
«Ամենից առաջ, մենք պատրաստ ենք Ռուսաստանի հետ քննարկել առաջարկներ, որոնք կարագացնեն հրադադարի հաստատումը և արդար ու հաստատուն խաղաղության ճանապարհ կհարթեն։ Մեծ նշանակություն ենք տալիս այս գործընթացին մեր դաշնակից Միացյալ Նահանգների մասնակցությանը»,- նշել է Էրդողանը լրատվամիջոցների համար կատարած հայտարարությունում։