1 րոպեի ընթերցում
Հայաստանցի և ֆրանսիացի ուսանողները կհամատեղեն ուժերը քաղաքաշինության և կանաչապատման զարգացման ուղղությամբ։ «Արմենպրես»-ի փոխանցմամբ՝ այս մասին հայտնում է Երևանի քաղաքապետարանը։
Երևանի և Լիոնի քաղաքապետների, ինչպես նաև Լիոնի մետրոպոլիայի նախագահի կողմից ստորագրված եռակողմ համաձայնագրի շրջանակում նախատեսվում է 5 հիմնարար ուղղությունների՝ կանաչապատման և քաղաքաշինության, կրթության և երիտասարդության, առողջապահության, մշակույթի և սպորտի, նաև կայուն զբոսաշրջության ոլորտների համապարփակ զարգացում:
Գործակցության շրջանակում, հայ և ֆրանսիացի ուսանողների ամատեղ աշխատանքի արդյունքում, ուսանողներն իրենց քաղաքաշինական հաջողված փորձը կիրառելու են երևանյան թաղամասերում:
«Այն նաև յուրօրինակ կապ է ստեղծում Լիոնի ճարտարապետական Բարձր դպրոցի և Հայաստանի Ճարտարապետաշինարարական համալսարանի ուսանողների և դասախոսների միջև»,- ասված է հաղորդագրությունում։