1 րոպեի ընթերցում
ՆԱՏՕ-ի գլխավոր քարտուղար Մարկ Ռյուտեն հոկտեմբերի 22-ին ԱՄՆ նախագահ Դոնալդ Թրամփի հետ հանդիպմանը կներկայացնի Ուկրաինայում հակամարտության դադարեցման ծրագիր։
Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ն, այս լուրը հաստատել է Սպիտակ տան մամուլի ծառայությունը։
Թրամփի կողմից նախկինում հրապարակված ժամանակացույցի համաձայն՝ նրա և Ռյուտեի հանդիպումը նախատեսված է տեղական ժամանակով ժամը 16:00-ին և տեղի կունենա փակ դռների հետևում։
«Ռյուտեն մտադիր է նախագահ Թրամփին ներկայացնել 12 կետից բաղկացած խաղաղության ծրագիր։ Եվրոպայի և Ուկրաինայի կողմից մշակված ծրագիրը հրադադարի կոչ է անում՝ հիմնվելով ներկայիս առաջնագծի վրա», - նշել է մամուլի ծառայությունը։