1 րոպեի ընթերցում
Իսրայելը հայտարարել է, որ գիշերը պաղեստինյան ՀԱՄԱՍ շարժման կողմից վերադարձված 4 մարմիններից մեկը պատանդներից որևէ մեկինը չէ։ «Արմենպրես»-ի փոխանցմամբ՝ այս մասին հաղորդում է BBC-ն։
ՀԱՄԱՍ-ը հոկտեմբերի 13-ին վերադարձրել է ողջ մնացած բոլոր 20 պատանդներին, որից հետո պետք է վերադարձներ ևս 28 պատանդի մարմին։ Սակայն մինչ այժմ վերադարձվել է 7 պատանդի մարմին։
Աճյունները վերադարձնելու գործընթացում ձգձգումների պատճառով Իսրայելը սպառնացել է սահմանափակել Գազայի հատված մտնող օգնությունը և հետաձգել Ռաֆահի անցակետի վերաբացումը։
BBC-ն նաև նշում է, որ պաղեստինյան անկլավի հիվանդանոցների գլխավոր տնօրենը հայտարարել է, որ իսրայելցի պատանդների մարմինները նույնականացնելու համար ստեղծվել է մասնագետների խումբ։