Իրան

ԱՄՆ-ն թույլ չի տա, որ Իրանի դեմ պատերազմը ձգձգվի տարիներ. Վենս

1 րոպեի ընթերցում

ԱՄՆ-ն թույլ չի տա, որ Իրանի դեմ պատերազմը ձգձգվի տարիներ. Վենս

Իրանի դեմ պատերազմը հերթական երկարատև հակամարտությունը չի դառնա Վաշինգտոնի համար. ԱՄՆ իշխանությունները թույլ չեն տա, որ այդ դիմակայությունը շարունակվի մի քանի տարի: «Արմենպրես»-ի փոխանցմամբ՝ այս մասին հայտարարել է ԱՄՆ փոխնախագահ Ջեյ Դի Վենսը Fox News հեռուստաալիքին տված հարցազրույցում։

«Մենք ամերիկացի ժողովրդին ասել ենք, որ այլևս չենք ներքաշվելու անվերջ պատերազմների մեջ։ Այո՛, նախագահն անհրաժեշտ համարեց ոչնչացնել Իրանի միջուկային ծրագիրը, և այո՛, իրանական միջուկային ծրագիրը սպառնալիք է ներկայացնում Ամերիկայի Միացյալ Նահանգների համար։ Սակայն մենք թույլ չենք տա, որ սա վերածվի 10 կամ 15 տարի կամ նույնիսկ երկու տարի տևողությամբ պարտավորության», - ասել է նա։

«Մենք այնտեղ հավերժ չենք մնալու։ Մենք խոստացել ենք, որ դա չենք անի, և ես լիովին վստահ եմ, որ նախագահը մեզ դուրս կբերի դրանից ամերիկացի ժողովրդի համար հիանալի արդյունքներով», - հավելել է Վենսը։

AREMNPRESS

Հայաստան, Երևան, 0001, Աբովյան 9

+374 10 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2026 ARMENPRESS

Ստեղծվել է՝ MATEMAT-ում